為了分辦遊戲名，今次由星號換成音符，所以 game 名就成了「かりん～♪」(另一隻就如同之前預定的成了 Radiant Historia 中的「アト～♪」)。 我不打算在 YouTube 上拍片做實況攻略，畢竟現在有中文作為遊戲語言，要怎樣走應該很容易便知道吧。根據之前實況玩 Radiant Historia 的經驗，要每天用上兩小時來錄片還真不容易 (看我玩《世界樹與不思議迷宮 2》的更新頻率便知道了，到了通關後的迷宮已經無心機玩)。
咁平時我買 game 都是去其他店鋪的，例如之前的 Radiant Historia 跟《世界樹與不思議迷宮 2》的限定版都是在某店入手 (店鋪名稱不便公開費事賣廣告同引起誤會)。今次我去了深水埗黃金一間叫「Misonin」的店鋪訂 USUM；原因無他，它的 faceook 專頁在開訂時發佈了這個貼文：
一般來說，右邊的兩隻手辦公仔是要在日本 Pokemon Center Online 預訂遊戲才會附送 (一隻 game 跟一隻公仔)。香港任天堂的官方網站也指出部分香港預訂的店鋪會附送這手辦公仔，但我平時光顧的幾間店鋪都沒有相關的資料，所以我便到了這店鋪預訂遊戲。我在預訂時再三確認有關附送手辦公仔的詳情，他說發貨時會有公仔附送，所以我便付訂金了。
如是者我見不少店鋪的遊戲到貨了，我就打左去「Misonin」度問，佢話訂左可以黎拎 game。
我問他：「係咪有公仔？」
點知他問我：「你訂左邊個版本？」
我：「兩隻都訂左」他答「有」
我去到該鋪拎 game 順便入一部新的 new2dsll (不是限定機)，但他遲遲不拿公仔出來，我問他「唔係有公仔既咩？」他就拎左兩款公仔出來說「你揀一隻啦」WTF?
他說：「由於公仔發貨量不足，所以訂左兩隻 game 既先有一隻」
我：「我係你個度入埋部新機，你可唔可以俾埋另一隻我呀？」
他：「我就係見你買多部機先俾隻公仔你，頭先個個人黎拎雙版本我都無俾佢」(咁你上一句講緊乜？)
我提出加錢要埋另一隻，他回覆：「無得加錢」
對於一般的遊戲玩家來說，隻特典手辦公仔是可有可無 - 在發貨量不足的情況下店鋪一般做法都是要加錢先有特典，一般玩家只在乎有 game 玩就唔會加錢。但對於收藏家來說，訂左兩隻 game 但係得其中一隻特典的心情，完全是可以用「黯然神傷」來形容 - 你叫人去邊度變埋另外一隻特典出黎？或者有人會話加錢有機會令到其他人無左隻特典，而且我又唔係話要買晒所有手辦公仔走去炒，而只係各有一隻收藏就夠。在先到先得的原則下，我本來就買左兩隻 game 的情況下只想要各一隻完全是合理程度。
如果間鋪話派晒隻公仔我都無咁嬲，而家係你有公仔但唔知做乜要收起，仲要唔係我問都唔拎出黎而且態度惡劣；在開訂既時候卻以特典手辦公仔來吸引客人預訂，這種營商手法實在令人不可接受。最後我透過一些其他方法入手了另一隻手辦公仔，然後我可以 blacklist 左呢間在深水埗黃金叫「Misonin」的黑店，完。
為左證明有關指控唔係憑空捏造，附上收據一張及兩隻手辦公仔。(單論遊戲的價錢是算可以接受的程度，大家都可以睇到我買左幾多錢)
沒有留言:
發佈留言