Report 的文筆與個人私隱

因為去悉尼 IC 前後發生了一點事，而我在跟其他玩家討論後又得知了另外一些事情，所以就打左呢篇文。我相信有不少玩家看完後會相當不滿，所以唔想睇真係唔好睇落去。

ps. 雖然我打緊悉尼 IC 遊記，不過最近公事同私事都比較忙唔知下個星期出唔出到。

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

(全文請往下捲動)














































1. report 的文筆

我明白有些玩家會對輸掉比賽感到不好受，我在對局中的某些語句 (或上載的對戰影片) 可能會使某些玩家感到不愉快。我承認我寫 report 的時候有時候是想得比較直接就寫了出來，忽略了玩家們的感受，這裡我真的要說聲抱歉，以後我會盡可能注意對局上的文筆。

不過有些情況是對方先挑釁的話就無法接受。例如有人在公海上兜口兜面串我話「點解唔問自己為何最後 3 勝 2 負」，我選擇唔去直接回應他已經係相當克制 (如果是以前的話我應該就會直接回應他，令無意思的討論沒完沒了)。我剩係寫左一句「識我既人就知道做乜一定要一方勝一方輸」(雙贏唔見左？)，而唔係兜口兜面係公海回應「連雙贏都唔識真係好可悲」之類我已經係俾足面。如果要覺得我咁寫都仲係串緊人，咁我呢？

另外我希望玩家們能認真來玩。我唔係要玩家別用一些不常用的精靈或者戰術 (fun 隊我覺得完全係 OK 架；我都用四妖隊啦，我都唔會話唔鍾意 MSS 大家用 RED 隊、不過可惜我唔得閒一齊玩 =P)，但至少唔好帶 d 明知自己勝率係零的隊來玩 (e.g. 你不要告訴我全部的精靈都無裝道具是甚麼戰術)。這樣做確實完全是玩家的自由，但有甚麼意思呢？(要說的話，PGL 上的網絡大會有參加獎才能接受這樣吧)

ps. 為免有人唔明及誤會，本文提到 RED 隊的部分我係在大家使用 RED 隊的 2 月 25 日 MSS 後才作出更新的。

2. 個人私隱 (personal privacy)

稍為認識我的玩家應該知道我對於個人資料被不當使用係接近零容忍度。

以前都有提過香港比賽主辦方經常在個人資料的處理上犯傻，呢個問題幾乎在每次需要先報名的賽事時均會發生，我亦已經私下提過主辦方好多次，就算容忍都有個限度。

就有一次是一個要先報名的大賽：主辦方一如以往貼出報名名單，報名名單中又貼出了包括年月日在內的出生日期；我看到之後已經立即以各種途經 (facebook message, whatsapp 等) 私下提醒主辦方盡快就出生日期遮掉 (一時間沒有空餘時間弄新的報名名單可以理解，但至少也應該將有問題的報名名單盡快刪除，而這個刪除動作不用花上五分鐘)。

然而我等了半天都沒有收到任何回覆，而有問題的名單也仍然未有移除，我於是在那貼文中留言說要向 PCPD (個人資料私隱專員公署) 作出投訴。有人會覺得這行為擺明係搞事，就像是最近有某些玩家不滿有人經常遲到無 penalty 引致比賽遲開始這樣；這個做法在其他人看來就是「忽然間有個人彈出黎話要投訴搞到無比賽有無搞錯呀你？」。我必須澄清我已私下聯絡主辦人將其盡快移除，等了半天已經係合理的接受時間。

要是他當時不移除有問題的報名名單，我是無法讓步一定會作出投訴的。投訴張 form 裡面有一條問題係「你是否曾經就投訴事項與被投訴者聯絡？」，換言之 PCPD 是鼓勵作出投訴之類先與對方聯絡，以減少因處理一些可私下解決的投訴所花費的時間。我也並非二話不說就直接作出投訴，而是私下聯絡、留言等方式先嘗試能否令問題得以解決。但主辦方遲遲未有作出修正，所以我才留下宣言要投訴的留言；即使我先作出公開留言作提醒，再無反應才宣言要投拆結果上係無任何分別。(因為只要我宣言要投訴，就一定會有人覺得「投訴 = 搞事」)

雖然我這樣說會令大家不太喜歡我，但我還是要說：如果你問我要從「保護個人資料私隱」定「有比賽玩」，我會選擇前者。當然一定會有人覺得「投訴 = 搞事」、「你咁驚咪唔好黎玩囉唔好搞到香港無比賽」等等，姑勿論表達方式的問題，但我看不起有人轉移視線；在事件的本質上，錯的在被投訴的一方，不是在投訴的一方 (所以我在有人經常遲到引致比賽遲開始那件事上也看不過眼留了言)，並不是沒有人在意就代表件事係無錯的。(舉例：VGC16 邊可能有咁多配布的魯莽雷超係 6V 岩性格？大多數玩家都唔在意係咪改獸，但咁唔代表改獸本身係無問題)



現在 VGC 比賽的搞手比以前的實在好得多 (例如他提出 mark late 的方式來解決有人遲到的問題，而並非只想解決提出問題的人)，我也欣賞他在舉辦比賽上付出的努力 (可惜他並不是 TO)。不過由於負責入分的 TO 已經多次遲遲未有 submit 比賽結果，已有而因少了 CP 的玩家不滿 (不是我) 想作出投拆了。究竟係有比賽玩重要 d，定係基本野要做返好重要 d，唔該諗清楚少少 (唔好話係小事就唔洗理，呢 d 野係會積少成多；到時有些真係搞事既人要揾位入你，結果咪又係無比賽玩有乜分別啦？)。

咁樣打完應該會多左好多人會對我好不滿，但我還是選擇要寫出我想寫的事情。當然想我唔再出現係非常容易，加上在 IC 上也發生了一些事，或者可能大家唔洗做 d 乜，過左無耐我就去左玩其他 game 唔再打 VGC。